Compromiso coa lingua

Nota: e​ste contido só se atopa dispoñible en Galego.

Acción Cultural

Que son as Letras Galegas?

O Día das Letras Galegas é unha festa cultural que se celebra cada ano o 17 de maio en Galicia para promover o uso da lingua galega e homenaxear a un autor ou autora da literatura en galego. A elección faina a Real Academia Galega, e desde 1963 cada edición está adicada a unha figura relevante da nosa literatura ou cultura literaria.

En que consiste o evento?

Este ano, Air Nubeiro propón un voo na Organización Internacional de Aviación Virtual (IVAO) desde LEMG (Málaga-Costa del Sol) até LEVX (Vigo-Peinador), onde naceu a autora.

Deste xeito estamos a permitir o coñecemento da eventualidade ao resto do estado pois sería unha ruta dunha duración óptima que cubre a meirande parte da península ibérica. 

Recorda, o 17 de maio de 2026 ás 18:00 (16:00 UTC).

A quen se lle adican este ano?

Para o ano 2026, a Real Academia Galega dedicoulle o Día das Letras Galegas a Begoña Caamaño (Vigo, 14 de outubro de 1964 – Santiago de Compostela, 27 de outubro de 2014), recoñecendo a súa traxectoria como escritora, xornalista, activista feminista e comunicadora en lingua galega.

Letras Galegas 2026

O Día das Letras Galegas 2026 estará dedicado a Begoña Caamaño, escritora, xornalista e activista feminista, unha das voces máis singulares da cultura galega contemporánea. 

A homenaxe foi acordada pola Real Academia Galega, en recoñecemento á súa achega á literatura, ao xornalismo e ao pensamento crítico en lingua galega. Begoña Caamaño desenvolveu unha intensa traxectoria como xornalista na Radio Galega, combinando o labor informativo cun forte compromiso social, feminista e cultural. 

A súa escrita caracterízase por unha linguaxe coidada, unha mirada lúcida sobre a realidade e unha clara vontade de transformar o mundo desde a palabra. 

Como narradora, destacou polas novelas Circe ou o pracer azul (2009) e Morgana en Esmelle (2012), nas que reinterpreta mitos clásicos desde unha perspectiva feminista e contemporánea, situando as mulleres no centro do relato e cuestionando os discursos tradicionais do poder, da historia e da identidade. 

A dedicación das Letras Galegas 2026 a Begoña Caamaño pon en valor a literatura como ferramenta de reflexión, igualdade e compromiso, e recoñece unha autora que fixo da lingua galega un espazo de liberdade, pensamento e creación. 

letras galegas 2026

O evento

O vindeiro 17 de maio celebramos as Letras Galegas! Será un voo de Málaga a Vigo, enchendo o mapa virtual de IVAO da península. Veste?

Engadir ó Calendario

Compromiso

Mantemos e incrementamos o noso compromiso coa lingua galega, ampliando o noso contido en galego.

Recoñecemento

Levamos á aviación virtual a cultura e lingua do noso pobo, acercando o galego a calquera recuncho do planeta.

Cooperación

Porque hai moi poucas cousas que podamos facer sós e moitas que podemos facer xuntos.

Impulsando Galicia

A nosa publicidade aporta voos virtuais e mesmo reais a Galicia estimulando o turismo de calidade na nosa terra.

Colaboradores no proxecto

De non ser polos seguintes colaboradores, non poderiamos ter acadado o impacto desexado. Podes consultar a súas páxinas web facendo click no correspondente logotipo.